Fillojnë punët në rrugën e tri fshatrave të Rahovecit
15.8.2019 - 12:18
Ministria e Infrastrukturës ka njoftuar se sot ka filluar punimet në rrugën Xërxë- Sapniq- Ratkoc, në Komunën e Rahovecit.
Sipas njoftimit të Ministrisë së Infrastrukturës, në fillimin e punimeve ka marrë pjesë edhe ministri Pal Lekaj i cili ka thënë këto punime ndikojnë në zhvillimin e zonave rurale.
“Kjo rrugë përveç që ndikon në zhvillimi e zonave rurale, është lidhje kryesore e Gjakovës me Rahovecin dhe Prizrenin”, ka thënë Lekaj.
Ai tutje është shprehur se ky projekt dëshmon përkushtimin e ministrisë për t’i dhënë pamje tjetër mozaikut infrastrukturor, si në nivelin lokal ashtu edhe atë nacional.