![](https://kallxo.com/wp-content/uploads/2016/06/Policia2-3.jpg)
Foto: Ilustrim
Arrestohet në Dragash i dyshuari për sulm ndaj familjarëve me mjet të mprehtë
05.11.2020 - 09:35
Një person është arrestuar nga policia në Dragash nën dyshimet se ka ushtruar dhunë në familje dhe ka kanosur familjarët e tij.
Arrestimi i të dyshuarit sipas policisë është bërë dje rreth orës 15:00.
Policia ka bërë të ditur se i dyshuari me probleme psikike duke kanosur ka tentuar që t’i sulmojë me mjet të mprehtë familjarët e tij.
POlicia tha se i dyshuari kishte goditur derën kryesore dhe nga xhamat e thyer, lëndime trupore ka pësuar bashkëshortja e tij.
Policia ka njoftuar se me vendim të prokurorit, i dyshuari është dërguar në kontrollë psikiatrik dhe pastaj është dërguar në mbajtje.