Botohet në versionin elektronik fjalori, ‘Arabisht - shqip’
Në fillim të këtij muaji është edituar në mënyrë elektroike fjalori, “Arabisht – shqip” i profesor Isa Memishit.
Fjalori është i hapur për përdorim përmes adresës: www.arabisht-shqip.com
Botimi i këtij fjalori shihet si një kontribut mjaft me vlerë për gjithë përdoruesit e gjuhës arabe, apo që dëshirojnë mësojnë këtë gjuhë.
Orientalisti Isa Memishi, përmes llogarisë së tij në Facebook ka bërë të ditur lansimin e versionit elektronik të fjalorit, “Arabisht -shqip”. Ai ka shkruar se digjitalizimi i falorit të tij ishte bërë një nevojë immediate.
“Ky fjalor, si i tillë, do të jetë ndihmesë e madhe për gjithkë që shprehë interesim për mësimin e gjuhës arabe dhe se procesin e përdorimit të Fjalorit Arabisht -Shqip, do ta bëjë shumë më të lehtë dhe më efektiv”, ka shkruar ai në Facebook.
Fjalori përmban edhe një shtesë rreth mënyrës së përdorimit për shkak të specifikave të gjuhës arabe.