Konstatimi i pabazuar se i dyshuari është “Shtazë”
Deklarata
“Shtazë komplet! Djali shqiptar sulmon sek*sualisht nënën e tij’
Vlerësimi
Me kos
Shkrimi me titullin ‘‘Shtazë komplet! Djali shqiptar sulmon sek*sualisht nënën e tij’ është shkrim me përmbajtje të rreme. Nxjerrja e konstatimit që personi është shtazë nuk është argumentuar me faktet e përmendura në artikull ndërsa një mori informacionesh të konstatuara në artikull ende janë në fazën e dyshimeve dhe presin verifikimin final nga gjykata.
Prezumimi i pafajsisë është ndër parimet bazë të etikës në gazetari. Askush nuk guxon të shpallet fajtor pa vendim final të gjykatës.
Artikulli
Në faqet e internetit “24newsalljust.com” është publikuar shkrimi me titullin ‘‘‘Shtazë komplet! Djali shqiptar sulmon sek*sualisht nënën e tij”
Materiali është publikuar në faqet e facebook Agjencia Kombëtare e lajmeve NOA,Lajme Fresh24,Artistet Shqiptar , Shqiperia Jone ,Football Kumanova1,Fjalë të urta & Thenie te mencura,MoreVesh,Welcometo albania,LacShqiperia
Titulli dhe artikulli kanë përmbajtje të pavërtetë e cila nuk argumentohet me përmbjatjen e artikullit ndërsa shkelë parimet etike të prezumimit të pafajsisë.
Konstatimi që një i ri është shtazë komplet nuk mund të bëhet vetëm mbi dyshimet të cilat i ka ngritur prokuroria e të cilat në asnjë rrethanë nuk janë argumentuar ende në gjykatë.
Teksti vazhdon me konstatimet se “Kur mungon arsyeja, ndodh edhe kështu. Njerëzit dallohen nga shtazët vetëm pse kanë ndërgjegje”.
Konstatimi i tillë është nxjerrë vetëm mbi hipotezën e publikuesit dhe nuk ka asnjë argument i cili mbështetë konstatimin se vepra në fjalë është kryer nga ana e te dyshuarit.
Gjykata dhe prokuroria ende nuk kanë konstatuar shkaktarët dhe vërtetësinë e këtij incidenti ndërsa konstatimi për gjendjen mendore të të dyshuarit ende është në procedurë të argumentimit në prokurori.
SIpas të dhënave të siguruara nga ekipi i Krypometrit, prokuroria e Pejës do ta dërgojw personin për ekspertizë psikiatrike për të konstatuar gjendjen mendore të të dyshuarit.
Në lajmin e publikuar për këtë rast konstatohet se i pandehuri ka probleme mendore pa e specifikuar fare pjesën e dyshimit. Të dhënat tregojnë që konstatimi që personi është i sëmurë psikik ende nuk ka ndodhur pasi ekspertiza nuk është përfunduar ende.
