Gjithçka gati për hapjen e Ceremonisë Shtetërore për festimin e 20 vjetorit të çlirimit

Një orë para se të filloi ngjarja kryesor, e cila po mbahet në sheshin ‘Skënderbeu’ në Prishtinë, shumë qytetarë kanë ardhur për të parë këtë ceremoni shtetërore e cila do të shënojë edhe 20 vjetorin e çlirimit të Kosovës.

Rrugën nga Presheva e ka marrë edhe Shabedin Ibrahimi.

“Sot kam ardhë në Prishtinë për të festuar 20 vjetorin e çlirimit, e kam ditë që e shoh edhe Clinton-in”, thotë ai.

Në këtë ngjarje pritet të marrin pjesë edhe ish-presidenti i Shteteve të Bashkuara të Amerikës, Bill Clinton dhe ish-sekretarja e shtetit Amerikan, Madeline Albright.

Pjesë e shënimit të 20 vjetorit të çlirimit do të jenë edhe krerët shtetërorë kosovarë, ambasadorë, e mysafirë të tjerë vendorë e ndërkombëtar.

Interesim për këtë ngjarje kanë shprehur edhe shumë media vendore e ndërkombëtare.

Ndërkohë që për sigurinë e kësaj ceremonie, janë angazhuar shumë forca të Policisë së Kosovës.

Sot do të bëhet përurimi i bustit të ish-sekretares Madeline Albright, si dhe do të organizohet një ecje që është quajtur për liri.

Do të vizitohet edhe shtatorja e ish-presidentit, Bill Clinton, i cili ka ardhur në Kosovë për këtë përvjetor.

Kjo është agjenda e plotë:

11:00 – 12:30  Tubimi qendror i shënimit të 20 vjetorit të hyrjes së trupave të NATO-s në Kosovë

Vendi: Sheshi Skënderbeu

14:00 – 14:30

Ecje për liri

Ecje e personaliteteve të larta ndërkombëtare dhe vendore nga hoteli “Swiss Diamond”, deri te Busti i Sekretares Albright

14:35 – 14:50     Përurimi i Bustit të Sekretares Albright

Vendi: Sheshi “Albright”, afër American School of Kosova

15:00 – 15:15      Vizitë në Bulevardin Bill Clinton

Vendi: Afër shtatores së ish- Presidentit Bill Clinton

17:00 – 19:30      Konferenca Ndërkombëtare e Sigurisë

“20 Vite Liri: Një Vizion për Paqe të Qëndrueshme”

Vendi: Salla “Beethoven”, hotel Emerald