Kosova nuk i reziston furisë angleze
Anglia U21 e ka demoluar Kosovën U21, duke e mposhtur me rezultat të thellë 6-0, ndeshje e vlefshme për kualifikimet për Euro 2021.
Kjo ndeshje u luajt në stadiumin “Fadil Vokrri”, në Prishtinë.
Pjesën e parë djelmoshat e udhëhequr nga Rafet Prekazi bën paraqitje të mirë duke e mbyllur pa gola.
Pjesa e dytë i takoi në tërësi anglezëve.
Sulmuesi i Arsenalit, Eddie Nketiah shënoi hat-trick për 9 minuta duke e trefishuar epërsinë e mysafirëve.
Reiss Nelson shënoi për 4-0, në minutën e 66’.
Ryan Sessegnon shënoi për 5-0, në minutën e 82’.
Për rezultatin përfundimtar 6-0, shënoi sulmuesi i Dortmundit Jude Bellingham në minutën e 85’.
Pas kësaj fitoreje Anglia pozicionohet në vendin e parë me 15 pikë.
Kurse Kosova mbetet në vendin e pestë me gjashtë pikë.