Vushtrri, aksident mes një traktori dhe dy veturave, 5 të lënduar
23.10.2019 - 22:17
Një aksident ka ndodhur në mes të dy veturave dhe të një traktori në rrugën nacionale Mitrovicë- Prishtinës, në fshatin Pestovë.
Këtë e ka konfirmuar për KALLXO.com zyrtari për informim në Policinë e Kosovës për rajonin e Mitrovicës, Avni Zahiti.
Sipas Zahitit nga ky aksident kanë pësuar pesë persona, të cilët kanë kërkuar tretman mjekësor në Spitalin e Vushtrrisë.
“Një aksident trafiku me të lënduar ka ndodhur në ora 18:00, në rrugën nacionale Mitrovicë- Prishtinë segmenti rrugor fshati Pestovë, në aksident të përfshira dy vetura civile dhe një traktor, si pasojë e aksidentit lëndime kanë pësuar pesë persona të cilët kanë kërkuar tretman mjekësor në Spitalin e Vushtrrisë”, ka thënë Zahiti.