Vjedhjet në Ferizaj - Policia arreston edhe dy të mitur

Policia e Kosovës ka arritur të arrestojë dy persona të mitur, të cilët ishin duke u kërkuar për vjedhje në Ferizaj.

Organet e rendit kanë njoftuar se janë arrestuar dy 16-vjeçarë, të cilët janë arrestuar gjatë bastisjeve në kryerje në fshatin Talinoc të Muhaxherëve.

Gjatë bastisjeve janë sekuestruar përkohësisht disa stoli ari, të cilat pritet të krahasohen me rastet e raportuara të vjedhjeve në Ferizaj.

Me Vendim të Prokurorit të Shtetit për të mitur të dyshuarit janë ndaluar për 24 orë.

Ndërsa, Policia e Kosovës më 31.03.2025 kishte arrestuar në flagrancë tre persona të dyshuar për vjedhje në fshatin Dremjak të Ferizajit.

Policia theksoi se janë duke vazhduar hetimet për zbardhjen e rasteve të tjera të mundshme të vjedhjeve të kryera nga ky grup në Ferizaj.

Policia arreston në flagrancë tre të dyshuar për vjedhje në Ferizaj