Vdes kryeprokurori i Gjakovës, Ali Selimaj
16.8.2020 - 19:23
Para një ore ka vdekur në Spitalin e Gjakovës kryeprokurori i Prokurorisë së Gjakovës, Ali Selimaj.
Lajmin për KALLXO.com e ka konfirmuar drejtori i Spitalit të Gjakovës, Hilmi Shala.
“Kryeprokurori mbrëmë është sjellë në gjendje të rëndë shëndetësore”, tha drejtori Shala.
Ende nuk dihen shkaqet e vdekjes së kryeprokurorit.
Kujtojmë që Selimaj tash e sa kohë kishte qenë i sëmurë dhe vitin e kaluar kishte shkuar në Amerikë për shërim.
Në orët e para të ditës së sotme ka vdekur edhe prokurori i Prokurorisë së Gjilanit, Esat Ademi. I njëjti ishte i infektuar me COVID-19.