Stipe Mesiq sot vjen në Kosovë, pritet nga kryeparlamentari Konjufca
12.2.2022 - 10:02
Ish-presidenti i Kroacisë, Stipe Mesiq, sot do të qëndrojë për vizitë në Kosovë.
Gjatë kësaj vizite ai do të pritet nga kryetari i Kuvendit të Kosovës, Glauk Konjufca.
Sipas njoftimit të zyrës për media të Kuvendit, Konjufca do ta takojë Mesiqin në orën 11:00.
Nuk është bërë e ditur nëse ish-presidenti kroat, që njihet si mik i Kosovës, do të ketë edhe takime të tjera me krerë të institucioneve të vendit.
Mesiq ishte Kryeministri i parë i Kroacisë dhe Kryetari i këtij shteti nga viti 2000 deri në vitin 2010. Ishte edhe kryetari i fundit i Jugosllavisë para shpërbërjes së këtij shteti.