Rrëzohen shtyllat e energjisë elektrike në Dragash, qytetarët mbesin pa rrymë që nga mëngjesi
12.12.2021 - 19:18
Për shkak të erërave të forta dhe reshjeve të borës disa shtylla elektrike janë rrëzuar në fshatin Brezne të Dragashit.
Fotot e siguruara nga KALLXO.com tregojnë për shtyllat e rrëzuara në oborret e qytetarëve.
Qytetarët janë ankuar se përveç që kanë mbetur pa rrymë nga ora 10:00 ata po ndihen edhe të rrezikuar nga shtyllat me telat e rrymës.
KALLXO.com ka kontaktuar me zëdhënësin e KEDS-it, Viktor Buzhala.
Ai ka treguar se për shkak të kushteve atmosferike ka pasur prishje në rajone të ndryshme të vendit dhe se punëtorët e kompanisë kanë shkuar dhe i kanë sanuar disa prej prishjeve.
Këto janë fotot nga fshati Brezne:
