Isa Mustafa
Reagon Isa Mustafa për vizitën e Albin Kurtit në Skenderaj
Kreu i Lidhjes Demokratike të Kosovës, Isa Mustafa ka reaguar në lidhje me vizitën e liderit të Lëvizjes Vetëvendosjes, Albin Kurtit mbrëmë në Skenderaj.
Mustafa përmes një postimi në facebook ka thënë se, zgjedhjet nuk duhet të mbahen të rrethuar me polici e njësi speciale.
“Zgjedhjet me dhunë nuk janë zgjidhje. Askush s’është i pari nëse duhet të barikadohet për t’u takuar me qytetarët dhe askush nuk e meriton të dal i pari, në qoftë se mendon se një komune apo një territor është pashallëk i tyre”, ka shkruar Mustafa.
Tutje ai ka shtuar se çdo fitore me dhunë është humbje.
Postimi i plotë:
Zgjedhet janë shprehje e lirë e qytetarëve për parlamentin e tyre. Nuk na ka hije të mbajmë zgjedhje të rrethuar me polici, me njësi speciale… zgjedhe nën tytat e armëve, njëzatenjëvjet pas çlirimit!?
Zgjedhjet me dhunë nuk janë zgjidhje. Askush s’është i pari nëse duhet të barikadohet për t’u takuar me qytetarët dhe askush nuk e meriton të dal i pari, në qoftë se mendon se një komune apo një territor është pashallëk i tyre.
Dhuna prodhon dhunë. Më së paku demokraci. Me protagonistët e dhunës dhe kërcënimeve, në hygjymin e tyre për pushtet, po rrëshqasim keq në hasmëritë e kohës së viteve të pasluftës. Kjo nuk na nevojitet. Çdo fitore e tillë eventuale, e kujdo qoftë, është humbje.
Kosovës i nevojiten zgjedhje demokratike, jo popullizëm i shfrenuar! IM
Isa Mustafa bëhet i gjallë