Mbledhja e Qeverisë, 14.08.2024. Foto; Antigonë Isufi/KALLXO.com
Qeveria shkarkon bordin e drejtorëve të "Hidrodrinit", emëron bordin e përkohshëm
Qeveria e Kosovës ka shkarkuar Bordin e Drejtorëve të Ndërmarrjes Publike- Kompania Rajonale e Ujësjellësit “Hidrodrini Sh. A. Pejë”.
Kështu u vendos në mbledhjen e ekzekutivit të mbajtur më 14.08.2024.
Ministrja e Ekonomisë, Artane Rizvanolli, e cila ka rekomanduar shkarkimin e bordit, në të njëjtën kohë ka rekomanduar emërimin e përkohshëm të anëtarëve të rinj të bordit të kësaj ndërmarrjeje.
“Rekomandohet shkarkimi anëtarëve të bordit nga qeveria dhe emërimi i përkohshëm i anëtarëve të bordit në bazë të ligjit”, tha ajo.
Në mbledhje që Qeverisë u tha se shkarkimi i Bordit erdhi pas propozimit të Ministrisë së Ekonomisë për shkak të veprimeve që vënë në pikëpyetje besueshmërinë e vendimmarrjes.
Pas shkarkimit të këtij bordi, u emërua bordi i përkohshëm i drejtorëve i përbërë nga: Qendresa Kukaj, kryesuese; Mirjeta Heta, anëtare; Samir Lleshi, anëtar dhe Noli Carrabregu, anëtar.
Më 31.07.2024, Bordi i drejtorëve të KRU “Hidrodrini” kishte shkarkuar Dri Cenën nga pozita e kryeshefit ekzekutiv.
