Foto: Rtv21
Personat e moshuar të palëvizshëm në Prizren do të vaksinohen përmes ekipeve mobile
23.4.2021 - 12:53
Komuna e Prizrenit do të fillojë vaksinimin e personave të moshuar të palëvizshëm përmes ekipeve mobile.
Drejtori i Qendrës Kryesore të Mjekësisë Familjare në Prizren, Xhevat Elezkurtaj, ka njoftuar se të gjithë familjarët e personave me nevoja të veçanta të moshave mbi 75 vjet të cilët dëshirojnë të futen në programin e vaksinimit kundër COVID-19, duhet të lajmërohen në shërbimin e imunizim-vaksinimit pranë QKMF -Prizren, në ketë numër telefoni 045272001.
“Personave të tillë do ja mundësojmë të vaksinohen nga ekipet mobile në shtëpinë e tyre”, ka shkruar Elezkurtaj.
Vaksinimi me vaksinën anti- COVID-19 ka filluar me 29 mars në Kosovë.