![](https://kallxo.com/wp-content/uploads/2020/04/lajm-i-fundit-695x310.jpg)
Lajm i Fundit, Coronavirus
Numri i të infektuarve me COVID-19 në botë i afrohet 3-milionëshit
Numri i të prekurve me COVID-19 në gjithë botën po i afrohet 3-milionëshit.
Sipas të dhënave të fundit nga Worldometer, numri i të prekurve ka arritur në 2,956,897.
Numri i personave që kanë vdekur nga COVID-19 aktualisht është 205,384 kurse i atyre të shëruar është 867,440.
Vendi me më së shumti persona të prekur dhe më së shumti të vdekur nga COVID-19 është ShBA.
Numri i personave të infektuar në ShBA po i afrohet shifrës prej 1 milion, saktësisht 964,904 kurse numri i atyre që kanë vdekur ka arritur në 54,776 persona.
Ndërsa Italia, edhe pse qëndron në vend të tretë pas Spanjës, sa i përket numrit të të prekurve me COVID-19, ajo mban vendin e dytë sa i përket numrit të vdekjeve, gjithsej 26,644.
Pas ShBA-së, vendet me më së shumti të infektuar me COVID-19 janë, Spanja, Italia, Franca, Gjermani, Britania e Madhe dhe Turqia.
Gjermania edhe pse është ndër 5 vendet me më së shumti të prekur me COVID-19, me gjithsej 157,026 të infektuar, ajo ka vetëm 5,880 të vdekur, shumëfish më pak se Britania e Madhe e cila ka gati numrin e njëjtë të të infektuarve, gjithsej 152,840, por ka 20,732 të vdekur nga COVID-19.
Në Kosovë, që nga 13 marsi, kur është shënuar rasti i parë me COVID-19, deri më sot, janë regjistruar gjithsej 731 të prekur, 165 të shëruar dhe 21 të vdekur.