Në tetor 2023 qytetarët shpenzuan më pak rrymë se vitin e kaluar në të njëjtin muaj
Konsumi i energjisë elektrike apo rrymës e thënë ndryshe, në muajin tetor 2023 ishte më i vogël në krahasim me muajin e njëjtë të vitit të kaluar.
Gjatë muajit tetor të vitit 2023, energjia elektrike bruto në dispozicion ishte 513.61 GWh, kurse konsumi i energjisë elektrike ishte 355.83 GWh ose (-5,64%) më i vogël sesa në muajin e njëjtë të vitit paraprak (Tetor 2022).
Pjesëmarrja e energjisë elektrike alternative në kuadër të konsumit të përgjithshëm ishte 12,64%.
Ndryshe, prodhimi i thëngjillit ishte rreth 5.84 mijë ton, ose 22,63% më pak sesa në muajin e njëjtë të vitit paraprak.
Këto të dhëna u bënë të ditura nga Agjencia e Statistikave të Kosovës (ASK) m publikimin e statistikave “Statistikat e Energjisë” për muajin tetor 2023 me të dhëna për prodhimin dhe konsumin e thëngjillit, prodhimin dhe konsumin e energjisë, importin dhe eksportin e energjisë, si dhe importin dhe eksportin e energjentëve të tjerë.
Pasqyra e prodhimi, konsumit dhe raporti i energjisë elektrike në tetor 2023 me tetor 2022:
MWH | 10-2022 | 10-2023 | X 2023 / X 2022 % |
Prodhimi Bruto nga Termocentralet | 466,712 | 423,632 | -9.23% |
Prodhimi Bruto nga Hidrocentralet | 9,717 | 4,593 | -52.73% |
Prodhimi Bruto nga Era dhe ajo Solare | 25,259 | 40,378 | 59.85% |
Importi | 246,543 | 243,327 | -1.30% |
Eksporti | 218,299 | 198,320 | -9.15% |
Energjia Elektrike bruto në Dispozicion | 529,934 | 513,611 | -3.08% |
Amvisnia | 226,403 | 200,266 | -11.54% |
Komercial | 88,375 | 90,698 | 2.63% |
Industri | 40,495 | 43,614 | 7.70% |
Ndriqimi publik & tjerat | 3,556 | 3,464 | -2.58% |
Konsumatorët 220-110kv | 8,747 | 9,527 | 8.93% |
Mihjet | 9,504 | 8,256 | -13.13% |
Konsumi i energjisë Elektrike | 377,080 | 355,825 | -5.64% |