Në Karaçevë u arrestuan gjithsej 12 zyrtarë policorë
Kryeshefi i Inspektoratit Policor të Kosovës- IPK, Kushtrim Hoda, ka thënë pas aksionit për prishjen e rrjetit të organizimit të skemave piramidale janë arrestuar gjithsej 12 zyrtarë policorë të dyshuar për bashkë pjesë marrje në organizim.
Sipas Hodës, zyrtarët policorë dyshohet se kanë kryer dy vepra penale, të kontrabandimit dhe bashkëpjesëmarrjes në aktivitetin e jashtëligjshëm.
Hoda më tej në konferencë ka thënë se të gjithë zyrtarët janë suspenduar dhe janë ndaluar ndërsa të njëjtit janë zyrtarë policorë të pikës kufitare në Muqivërcë
“Nën dyshimet për pjesëmarrje në veprimtari kriminale 11 zyrtarë policorë , 8 serb e 3 shqiptarë. Dhe sot është arrestuar edhe një zyrtar policor dhe gjithsej 12 janë, të gjitha janë suspenduar dhe ndaluar. Të gjitha janë punëtorë të pikës kufitare në Muqivërcë”, ka thënë Hoda.
“Operacioni ka pasur për qëllim thyerjen e skemave piramidale, lokacioneve të dyshuara për prostitucion etj, Janë arrestuar 7 persona fizik, klientë të kë tyre kazinove dhe ndaj tyre do të zhvillohen procedura të rregullta. Janë konfiskuar 220 aparate, 6 shtëpiza kompjuteri, 1 armë me gas, 1 kallashnikov, 1 kombi me kafshë të kontrabanduara dhe janë shkatë rruar 13 objekte. Operacioni tjetër në Prishtinë, ku janë zhvilluar katër bastisje në kohë të njëjtë ku janë konfiskuar prova dhe gjësende dhe shuma e mjeteve të konfiskuara është 3950 euro dhe në mesin e personave të ndaluar janë tre të tillë ”, ka thënë Surdulli në konferencë .
Operacioni u zhvillua mbrëmë dhe ishte i organizuar nga Prokuroria e Gjilanit së bashku me Inspektoratin Policor të Kosovës dhe Policisë së Kosovës, të cilët kanë konfiskuar qindra aparate të kazinove ndërsa prapa kanë lënë 12 objekte të rrënuara.