Qeveria Kurti II
Kurti emëron zëvendësministra në katër ministri
06.4.2021 - 22:13
Kryeministri i Kosovës, Albin Kurti, sot gjatë ditës ka emëruar katër zëvendësministra,
Zëvendësministrat e emëruar janë: Dukagjin Pupovci, zëvendësministër i Arsimit, Shkencës, Teknologjisë dhe Inovacionit, Shemsi Syla, zëvendësministër i Mbrojtjes, Linda Çavdarbasha, zëvendësministre e Mjedisit, Planifikimit Hapësinor dhe Infrastrukturës, dhe Imri Demelezi, zëvendësministër i Bujqësisë, Pylltarisë dhe Zhvillimit Rural.
Sipas një komunikatë të Qeverisë, Kurti i ka uruar zëvendësministrat për pozitën e re dhe u ka dëshiruar suksese në plotësimin e detyrave dhe përgjegjësive të tyre.
Deri më tani, me vendim të kryeministrit janë emëruar 15 zëvendësministra.