![](https://kallxo.com/wp-content/uploads/2024/06/441904712_122159431364140569_3264685894458160248_n-720x405.jpg)
Komuna e Mitrovicës së Veriut largon një kafiteri që kishte vepruar jashtëligjshëm në pronë publike
Komuna e Mitrovicës së Veriut ka njoftuar se ka larguar një kafiteri e cila ka vepruar jashtëligjshëm për vite të tëra në Mitrovicë të Veriut.
Synimi i këtij instutucioni është lirimi i hapësirave publike nga ozurpimi për ta larguar çdo pengesë që cenon lëvizjen e lirë të qytetarëve.
“Sot ka përfunduar puna për largimin e kafiterisë e cila me vite ka zhvilluar aktivitetin ilegalisht dhe pa u ndërmarrë asnjë veprim nga zyrtarët e inspektoratit të qeverisjes së kaluar. Komuna e Mitrovicës Veriore po zbaton iniciativën për lirimin e hapësirave publike nga uzurpimi, duke ofruar ato për shfrytëzim të qytetarëve”- thuhet në njoftim.
Komuna njofton se në ditët në vijim do të ketë vazhdim të angazhimit komunal deri në lirimin e të gjitha hapësirave që pengojnë lëvizjen e lirë dhe rrezikojnë qytetarët.
Tutje komunarët falënderojnë qytetarët për bashkëpunimin gjithshtu u bëjnë thirrje që për çdo parregullsi që shohin në qytet, të informojnë organet komunale.