![](https://kallxo.com/wp-content/uploads/2018/01/komuna.gif)
Komuna e Gjilanit, Foto: Komuna e Gjilanit
Gjilan, dy raste të reja me coronavirus dhe dy të shëruar sot
18.4.2020 - 23:17
Nga 15 mostrat e marra sot në Gjilan, dy raste të reja kanë rezultuar me COVID-19.
Sipas njoftimit të Kryetarit të Komunës, Lutfi Haziri, të dy këto raste kanë pasur kontakt familjar dhe po mbahen në karantinë.
Haziri njofton se dy raste tjera janë shëruar, duke e çuar në 21 numrin e të shëruarve plotësisht, derisa tetë persona janë në tretman.
“Pas Zhegrës, edhe në Vrapçiq është mbyllur burimi i infeksionit pas më nuk është asnjë i infektuar”, thuhet në njoftim.
Tani ka mbetur edhe Lladova, Deremalla dhe Arbëria që për momentin janë burim infeksioni dhe po monitorohen në formë strikte.