Foto: Ilustrim
Ferizaj, arrestohet për gjuajtje me armë në aheng familjar
31.7.2022 - 14:42
Rreth orës 1:30 të mëngjesit Policia e Ferizajt ka pranuar një informacion se në një aheng familjar në Slivovë ka gjuajtje me armë.
Me autorizim edhe të prokurorit kujdestar, Policia ka marrë veprimet e nevojshme dhe menjëherë është nisur në drejtim të vendit të dyshuar.
Policia tek i dyshuari me inicialet D.J., 26-vjeç, ka gjetur dhe si prova materiale më pas ka sekuestruar një armë zjarri (pistoletë) me një karikator, katër fishekë dhe një gëzhojë.
I dyshuari është shoqëruar në stacionin e Policisë në Ferizaj dhe pas intervistimit nga hetuesit policorë, me vendim të prokurorit të rastit është liruar për procedurë të rregullt hetimore, ndërsa rasti është cilësuar – përdorim i armës.