Uji
Dëmtohet gypi kryesor furnizues, mbeten pa ujë disa fshatra të Vushtrrisë
20.11.2022 - 17:59
Kompania Rajonale Ujësjellësi “Mitrovica”, ka njoftuar se si pasojë e dëmtimit të gypit kryesor furnizues, pa ujë të pijes kanë mbetur fshatrat e Vushtrrisë Nedakoc, Sfaraqak, Pestovë, Novosellë, Lum i Madh, Stanofc Epërm dhe Stanofc i Ulët.
Sipas njoftimit, riparimi i gypit të dëmtuar parashihet të fillojë nesër në mëngjes.
“Shpresojmë që deri në orët e pasditës të sanohet problemi dhe të rikthehet furnizmi me ujë të pijes për këto fshatra.
Ju faleminderit për mirëkuptimin tuaj!”- thuhet në njoftimin e kompanisë.