Albin Kurti emëron përgjegjësen për Protokoll
Kryeministri i vendit, Albin Kurti ka emëruar Shenaj Shalën si Këshilltare të Jashtme Politike si dhe përgjegjëse e Protokollit në Kabinetin e Kryeministrit.
Shala deri më tani është gruaja e vetme e emëruar në kabinetin e Kurtit.
“Shenaj Shala është specialiste e protokollit, konsulente e mirësjelljes, mentore dhe ligjëruese e pavarur. Ajo mbaroi studimet master në vitin 2014 në Bruksel në “The International School for Protocol and Diplomacy” (ISPD)”, thuhet në njoftimin e zyrës së kryeministrit.
Sipas njoftimit mes viteve 1999-2013, Shala punoi për Organizatën e Kombeve të Bashkuara në Kosovë dhe Afrikën Lindore si Asistente Personale e Përfaqësuesit Special të Sekretarit të Përgjithshëm të OKB-së.
Tutje në njoftimin e zyrës së kryeministrit tregohet edhe një pjesë e angazhimit profesional të Shalës.
“Nga viti 2013-2015 z. Shala punoi për “Shell Oil & Petroleum” si Koordinatore e Shell Qendrës së Trajnimeve në Lindjen e Mesme. Në qershor të vitit 2015 ajo u emërua Zyrtare Ndërlidhëse për Ballkan e ISPD-së, kurse në vitin 2018 znj. Shala mori titullin e njërës prej 15 trajnereve globale për ‘pitch’ dhe aftësitë e prezantimit në “International Pitch School for IDACB” (International Decentralized Association for Cryptocurrency and Blockchain)”, thuhet tutje.
Shenaj Shala, sipas njoftimit, është specialiste e protokollit, konsulente e mirësjelljes, mentore dhe ligjëruese e pavarur.
Albin Kurti është zgjedhur kryeministër i vendit më 3 shkurt të këtij viti, ai deri të tani ka emëruar një pjesë të madhe të këshilltarëve të tij.
Kurti e emëron Durim Berishën këshilltar të jashtëm politik