Video e rreme për luftimet në Ukrainë
Deklarata
“Situatë dramatike në Donbas të Ukrainës, Rusia nis operacionin ushtarak”, thuhet në mbishkrimin e videos së publikuar.
Vlerësimi
Rrenë
Video e publikuar nga disa portale në Kosovë është e rreme dhe nuk është bërë në Ukrainë. Kjo video është e publikuar në rrjetet sociale dhe në internet në maj të vitit 2020.
Artikulli
Mediat në Kosovë e kanë publikuar një video duke e titulluar: Situatë dramatike në Donbas të Ukrainës, Rusia nis operacionin ushtarak”.
Ky lajm është publikuar nga portalet ‘Gazeta Plisi’, ‘Vatra’ apo ‘KosovaLive’ gjatë ditës së djeshme. Në videon e publikuar shihen disa avion luftarak duke fluturuar.
Në përshkrimin e videos portalet kanë shkruar se avionët janë të Rusisë dhe kanë qenë duke fluturuar në rajonin e Dunbasit në Ukrainë.
Në fakt videoja nuk ka lidhje fare me luftën në Ukrainë, por që është e publikuar në rrjetet sociale dhe në internet në maj të vitit 2020, ndërsa këto portale e kanë shpërndarë kinse është e luftës në Ukrainë.
