![](https://kallxo.com/wp-content/uploads/2019/06/Dorentina-Qerimi-foto-REL-e1561897729441.png)
Dorentina Qerimi, mjeshtrja e parë e veturave
Një 23-vjeçare nga Ferizaj punon si automekanike me babanë e saj që shtatë vjet.
Gjatë gjithë punës asaj i është thënë se kjo punë është për burra.
“Më herët i kam ndihmuar babait me çelësa, derisa kam marrë besimin në vete për të bërë unë diçka », thotë Dorentina Qerimi.
Ajo tregon se myshterinjtë nuk kanë besuar në punën e saj dhe nuk janë ndjerë rehat. Por, me kalimin e kohës, ata vetëm Dorentinën e kërkojnë.
Dorentina thotë se ndihet shumë mirë me këtë profesion.
Ajo thotë se sa ishte në shkollën teknike të Ferizajt, shokët e shoqet e klasës si dhe drejtoria e profesorë I kanë thënë se nuk është profesion për të.
Ëndërr e Dorentinës është të ketë një punëtori të saj.
Pasi mbaron punën në si automekanike, pasdite ajo punon edhe si banakiere në një restorant në Ferizaj./REL