Prishtina shënon fitore të lehtë ndaj Trepçës ‘89 (Foto)
15.5.2019 - 18:30
Prishtina ka shënuar një fitore të lehtë ndaj Trepçës ‘89, me rezultat 3-0, në kuadër të xhiros së 32-të në Superligë.
Pjesa e parë përfundoi me rezultat 0-0.
Në pjesën e dytë Prishtina u tregua më e vëmendshme duke i shënuar tre gola.
Për golin e parë u përkujdes Gauthier Mankenda në minutën e 47’.
Golin e dytë e shënoi Basit Khalid në minutën e 67’ pas një superasistimi nga Armend Thaqi.
Marjo Morina e shënoi golin e tretë ne fundin e ndeshjes.
Pas kësaj fitoreje Prishtina pozicionohet në vendin e dytë me 75 pikë, dy më pak se Feronikeli.
Ndeshjen e fundit Prishtina e luan si mysafir ndaj Feronikelit.