EPRS / DG EXPO Experts Workshop ' EU Civil Society instrument for Western Balkans, Turkey and the Eastern Partnership '
Viola von Cramon: Të respektohet vendimi i Gjykatës Supreme
29.1.2021 - 18:37
Raportuesja për Kosovën në parlamentin Evropian, Viola von Cramon, ka bërë thirrje që të respektohet vendimi i Gjykatës Supreme për Albin Kurtin.
Ajo në rrjetin Twitter shkroi se në ditën e zgjedhjeve, një mision i ekspertëve të zgjedhjeve nga BE do ndjekë procesin në Prishtinë.
“Pas vendimit të Gjykatës Supreme për ndalimin e Albin Kurtit nga kandidimi në zgjedhjet e parakohshme, unë dua të theksoj se të gjitha partitë politike të Kosovës duhet të respektojnë vendimin e kësaj gjykate, dhe shpresoj se do bëjnë një fushatë të drejtë në javët e ardhshme. BE do t’i ndjekë këto zgjedhje të parakohshme me një mision të ekspertëve në Prishtinë”, shkroi ajo në Twitter.