Turisti polak theu këmbën, banorët e gjejnë dhe e ndihmojë

20 vjeçari me inicialet W. M, turist nga Polonia deri sa ishte duke eksploruar në

Policia e Shkodrës dhe banorët e zonës i vijnë në ndihmë turistit polak në zonën e Thethit, ka dëmtuar këmbën në disa shkëmbinj në majën e Harapit, në Theth Shkodër.

20 vjeçari sipas një njoftimi të Policisë së Shtetit,  ka njoftuar në numrin 112 duke kërkuar ndihmë, pasi nuk ecte dot për shkak të dëmtimeve të marra në këmbë.

“Për shkak të orës së vonë dhe errësirës, ishte i pamundur dërgimi i helikopterit dhe në këto kushte punonjësi i policisë së zonës Theth ka njoftuar banorët, të cilët së bashku me Policinë janë vënë në kërkim të turistit”, ka njoftuar policia.

Sipas njoftimit, rreth orës 21: 30, banorët e zonës së bashku me punonjësin e Policisë kanë bërë të mundur gjetjen e turistit polak, si dhe transportimin e tij deri në rrugën e makinës.

“Më pas 20-vjeçari është transportuar me autoambulancë në qendrën shëndetësore të Thethit dhe pas ndihmës së parë mjekësore rezultoi se nuk ka asnjë problem për jetën dhe as dëmtime serioze fizike”, thuhet në njoftimin e Policisë së Shtetit.

Policia e Shkodrës ka falënderuar edhe njëherë banorët e zonës së Thethit, të cilët i janë përgjigjur thirrjes së Policisë në çdo rast që u është kërkuar për t’u ardhur në ndihmë turistëve dhe vizitorëve të huaj, siç thotë policia duke treguar dhe përcjellë tek ata vlerat më të mira të vendit tonë.