Tri mini-biblioteka pritet të rifunksionalizohen këtë muaj në Prishtinë
12 mini-bibliotekat e vendosura në 12 lagjet e kryeqytetit, u shkatërruan pa e prekur 12 muajshin.
Shkatërrimi i tyre po bën që këto shtëpi të vogla të dijes të rikthehen në forma më kreative dhe artistike.
Agon Ahmeti, drejtor i organizatës implementuese ‘ETEA’, tha për KALLXO.com se tri mini-biblioteka do të rinfunksionalizohen dhe do të zbukurohen me murale nga “MuralFest.”
Ahmeti tha se këto shtëpi të vogla të dijes do të funksionalizohen në sheshet e Prishtinës “Ibrahim Rugova”, “Adem Jashari” dhe te Memoriali “Heroinat.”
Ai tha se ato do të rimbushen me libra nga “ETEA”, ndërsa objektet do të pikturohen nga artistët e organizatës “MuralFest.”
Ahmeti tha se janë tri alternativa për mini-bibliotekat tjera në kryeqytet edhe pse ende nuk ka diçka konkrete.
Sipas tij këto alternativa janë: të bëhet rifunksionalizimi me grafite duke përfshirë edhe zhvendosjen eventuale në pika me të sigurta; të bëhet largimi i përkohshëm nga komuna dhe rivendosja pas renovimit e planifikimit më të sigurtë dhe shpërndarja e disa prej tyre në qytete tjera të Kosovës në partneritet me organizata lokale.
Me 5 nëntor 2019 ishte hapur mini-biblioteka e parë në lagjen “Dardania” për një kohë të shkurtër u shkatërrua.
