Regjistrohen 116 deputetë të legjislaturës së re të Kuvendit

Ka vazhduar procesi i regjistrimit të deputetëve të legjislaturës së Tetë të Kuvendit.

Gjatë tri ditëve, sipas një postimi të Kuvendit të Kosovës në Facebook, janë regjistruar 116 deputetë, kurse deputetët e mbetur do të regjistrohen gjatë ditëve në vijim.

Seanca konstituive e Kuvendit për Legjislaturën e Tetë do të mbahet të hënën, më 22 mars e paralajmëruar të fillojë nga ora 10:00.