Qëllohet me armë zjarri rojtari i një shtëpie në Qagllavicë
10.8.2021 - 10:43
Policia e Kosovës ka njoftuar së është qëlluar me armë zjarri një burrë i angazhuar si roje i një shtëpie në fshatin Qagllavicë.
Sipas policisë rasti ka ndodhur dje rreth orës 17:00 në Qagllavicë.
“Viktima i cili ka qenë i angazhuar si roje i një shtëpie është qëlluar me armë zjarri nga persona të panjohur”, thuhet në njoftimin e policisë.
Viktima është dërguar për tretman mjekësor në QKUK.
Policia ka njoftuar së në vendin e ngjarjes kanë gjetur tri gëzhoja dhe një predhë të kalibrit 9 milimetra.
Me urdhër të prokurorit është bastisur një lokacion por nuk është gjetur as personi as ndonjë provë materiale.