Presidenti Thaçi i pikëlluar nga rritja e rasteve të vdekjeve me COVID-19
Deri më sot sipas shifrave zyrtare të IKSHP-së në Kosovë janë shënuar 236 raste të vdekjes me COVID-19, nga raporti i fundit 24 orësh i publikuar dje me njw numwr tw madh tw vdekjeve tw raportuara nw ditwt e fundit.
Presidenti i Kosovës, Hashim Thaçi, ka thënë se e kanë pikëlluar shumë vdekjet e qytetarëve në ditët e fundit si pasojë e infektimit me virusin COVID-19.
Përmes një postimi në Facebook, Thaçi ka thënë se i trishtë ishte lajmi edhe për vdekjen e vëllait të kryetarit të Rahovecit, Adem Latifi.
“Familjes Latifi dhe gjithë atyre që i kanë humbur familjarët e tyre u shpreh ngushëllimet e mia në të sinqerta. Lutem për shërim sa më të shpejtë të të gjithë të prekurve të tjerë “ ka shkruar Presidenti Thaçi.
Në javën e fundit në Kosovë janë shfaqur numër i lartë i viktimave me COVID-19, ku në 24 orë është raportuar për disa ditë me radhë më shumë se 10 viktima.
Kurse gjatë natës së kaluar tre pacientë që ishin duke u trajtuar në Spitalin Regjional të Gjilanit, kanë vdekur.
Njëri nga tre viktimat ishte pacient i cili ishte i konfirmuar me COVID-19.
Aktualisht në Kosovë janë 3,588 raste aktive me COVID-19.