Spitali Regjional i Gjilanit Foto: KALLXO.com
Gjilan, vdesin tre pacientë: një i infektuar me COVID-19, dy po prisnin rezultatet e testeve
Tre pacientë që ishin duke u trajtuar në Spitalin Regjional të Gjilanit, kanë vdekur gjatë natës së kaluar.
Njëri nga tre viktimat ishte pacient i cili ishte i konfirmuar me COVID-19.
Ndërsa dy viktima tjera, të cilët kanë qenë duke marrë tretman në këtë Spital kanë qenë në pritje të rezultateve të testeve.
Për KALLXO.com këtë e ka konfirmuar Drejtori Klinik i Spitalit të Përgjithshëm të Gjilanit, Ukshin Ismajli.
“Është e vërtetë që në Spitalin tonë tre pacientë kanë humbur betejën, njëri nga ta ka qenë i konfirmuar me COVID-19, ndera dy të tjerët kanë qenë në pritje të rezultateve për të parë nëse ishin të infektuar”, tha Ismajli.
Deri më sot sipas shifrave zyrtare të IKSHP-së janë shënuar 236 raste të vdekjes, nga raporti 24 orësh i publikuar dje.
Aktualisht në Kosovë janë 3,588 raste aktive me COVID-19.
Ndërsa në spitalet regjionale dhe në klinikat e QKUK-së janë të shtrirë 599 pacientë.
Dje janë konfirmuar 224 raste të reja me COVID-19 dhe janë shënuar 9 viktima brenda 24 orëve.