Policia në Prizren e dënon qytetarin dhe ia merr patentë shoferin për 3 muaj pas publikimit të fotografisë

Policia Rajonale e Prizrenit ka gjobitur me 150 euro një qytetar pas tejkalimit të rrezikshëm në vend të ndaluar  si dhe janë marrë masat mbrojtëse 2 pikë negative dhe ndalimi i patentë shoferit në afat prej 3 muaj.

DRPP ka falënderuar qytetarët në të cilët po kontribuojnë në parandalimin dhe raportimin e kundërvajtjeve të ndryshme.

Policia në Prizren u ka bërë thirrje qytetarëve që të vazhdojnë të publikojnë dhe raportojnë përmes aplikacionit, “Lajmëro policinë” dhe rrjeteve sociale fotografi dhe video që kanë për qëllim parandalimin e aksidenteve.

Komunikata e Policisë Rajonale të Prizrenit:

Policia e Kosoves me qëllim të parandalimit të aksidenteve në komunikacion e sidomos atyre me fatalitet është duke realizuar një numër të madhe të aktiviteteve, duke ngritur pika kontrolli me radar dhe duke e mbikëqyrur rrjedhën e komunikacionit permes paisjeve elektronike me “Dronë”.

Ky aktivitet tani po ndihmohet në masë te madhe edhe nga qytetarët të cilët po dërgojne fotografi përmes aplikacionit “Lajmëro policinë”, dhe duke i postuar në rrjetet sociale.

Policia rajonale ne Prizren falenderon qytetarët të cilët po kontribojnë në parandalimin dhe raportimin e kundërvajtjeve të cilat shpesh po rezultojnë me aksidente fatale. Andaj së bashku mund te kontribojme në mbrojtje të jetës se qytetarëve dhe te ruajmë rregullin në komunikacion rrugor.

“Më mirë te vonohemi një minutë në jetë, se sa të humbim jetën për një minutë”.

Bashkangjitur e keni foton të dërguar nga qytetarët në aplikacionin dixhital “Lajmëro policinë”, ku nga kjo foto është shqiptuar një tikete trafiku në vlerë 150 euro, si dhe janë marrë masat mbrojtëse 2 pikë negative dhe ndalimi i patent shoferit në afat prej 3 muaj.