Marok, dy të rinj në burg pse kopjuan në provim
26.7.2020 - 17:55
Në Marok në vitin 2016, kanë hyrë në fuqi ndëshkime të ashpra për ata që kopjojnë në provimet shtetërore.
Atje nuk kalohet kjo situatë vetëm me marrjen e telefonit, por edhe me gjobë e dënim.
Dy të rinj u kapën ndërsa po përpiqeshin të kërkonin në internet përmes celularit përgjigjet e sakta të pyetjeve të testit kombëtar për pranimin në Universitet.
Të rinjtë po përdornin telefonin e futur në mënyrë të paligjshme në sallën e provimit për të kaluar atë që njihet si “Bac”, një lloj provimi i maturës shtetërore në këtë vend.
Pasi u kapën, ata u arrestuan menjëherë dhe u dënuan me tre muaj burg, një gjobë prej 450 eurosh secili dhe konfiskimin e telefonave. /21Media