Katër raste të dhunës në familje në 24 orët e fundit

Katër raste të dhunës në familje janë raportuar se kanë ndodhur në 24 orët e fundit në Kosovë.

Lidhur me këto raste janë arrestuar disa persona të dyshuar.

Në Prishtinë, një grua ka raportuar se ish i dashuri i saj pas një mosmarrëveshjeje e ka kanosur me jetë.

Policia ka njoftuar se rasti është nën hetime.

Në Ferizaj, një burrë është arrestuar, pasi që i njëjti dyshohet se nën ndikim të alkoolit e kishte sulmuar fizikisht vëllain e tij.

Rasti ka ndodhur më 26.03.2025 dhe, me Vendim të Prokurorit, i dyshuari është dërguar në mbajtje.

Për dhunë në familje është shoqëruar në Polici edhe një person i dyshuar në Pejë.

Sipas njoftimit, i njëjti pas një mosmarrëveshjeje kishte sulmuar vajzën e tij.

Në njoftim thuhet se pas intervistimit, me Vendim të Prokurorit, rasti procedohet në procedurë të rregullt.

Ndërsa, në Prishtinë, më 26.03.2025, një person ka raportuar se është kanosur dhe se ndihet i rrezikuar me jetë nga vëllai i tij i dyshuari.

Policia ka njoftuar se i dyshuari është arrestuar dhe pas intervistimit, me Vendim të Prokurorit, është dërguar në mbajtje.