Ndërtesa e Universitetit të Prizrenit | Foto: KALLXO.com
Ishte planifikuar shkarkimi i rektorit, anulohet mbledhja e Këshillit Drejtues të Universitetit të Prizrenit
Mbledhja e Këshillit Drejtues të Universitetit të Prizrenit “Ukshin Hoti” që ishte paraparë sot të mbahet në ora 11:00 e në të cilën ishte paraparë edhe shkarkimi i rektorit, është anuluar.
Këtë e konfirmoi për KALLXO.com kryesuesi i Këshillit Drejtues, Arif Murrja, i cili tha se i ka ndodhur diçka personale.
“Anulohet mbledhja e sotme për shkak se më ka ndodhur një fatkeqësi në familje. Më duhet që ta anulojë. Për mbledhjen e radhës do t’i njoftoj më kohë”, tha Murrja më tej.
Sot në ora 11:00 ky Këshill kishte vetëm një pikë të rendit të ditës, atë të shkarkimit të rektorit Ismet Temaj.
Temaj më herët për KALLXO.com tha se Këshilli Drejtues i Universitetit të Prizrenit nuk ka bazë për një vendim të tillë.
Këshillit Drejtues i UPZ-së më 22 maj 2018 në rundin e dytë të votimeve kishte zgjedhur profesorin Ismet Temaj rektor të këtij Universiteti.
Iniciohet shkarkimi i rektorit të Universitetit të Prizrenit
