Dhjetë të vrarë nga sulmi në një market në Nju Jork

Dhjetë persona kanë mbetur të vdekur pas një sulmi me të shtëna në një dyqanin të Nju Jorkut, raporton BBC.

Rasti po hetohet si një “krim urrejtjeje me motive racore”.

Një 18-vjeçar me veshje ushtarake u arrestua pas një përplasjeje në vendin e ngjarjes në qytetin e Buffalo.

I dyshuari hyri në një supermarket të shtunën pasdite përpara se të hapte zjarr. Ai përdori një kamerë për të transmetuar sulmin në internet, tha policia.

Presidenti i SHBA Joe Biden dënoi atë që ai e quajti një sulm “të neveritshëm”.

I dyshuari besohet se ka vozitur për disa orë për të arritur në këtë zonë të qytetit.

Trembëdhjetë njerëz u qëlluan në total dhe shumica e viktimave ishin me ngjyrë, tha komisioneri i policisë së Buffalo Joseph Gramaglia.

Duke folur për CBS, një burim policor pretendoi se burri kishte bërtitur sharje racore gjatë të shtënave.

“Ai doli nga automjeti i tij. Ai ishte i armatosur rëndë. Ai kishte pajisje taktike. Kishte një helmetë taktike. Ai kishte një kamerë që po transmetonte drejtpërdrejt atë që po bënte,” u tha gazetarëve Gramaglia.

Ai tha se i dyshuari e ka dorëzuar armën pas një përplasjeje të tensionuar dhe është dërguar në mbajtje.

Tre viktimat e plagosur – të cilët punonin të gjithë në supermarket – nuk kanë pësuar lëndime të rrezikshme për jetën.

Një oficer policie në pension, i cili punonte si roje sigurie u përpoq të qëllonte të dyshuarin, por ishte në mesin e të vrarëve, tha policia.

Burri që atëherë është akuzuar në gjykatë për vrasje të shkallës së parë dhe Prokurori i Qarkut Erie John Flynn tha se akuza të tjera mund të ngrihen ende.