Daçiq: Gana e ka tërhequr njohjen e Kosovës
11.11.2019 - 09:40
Ministri I Punëve të Jashtme i Serbisë, Ivica Daçiq, tha sot se Gana e ka tërhequr njohjen e pavarësisë së Kosovës.
Ai shtoi se Gana është shteti i 16-të që e bën këtë.
Në një deklaratë për televizionin serb ‘Prva’, shefi i diplomacisë serbe tha se notën për tërheqjen e njohjes së pavarësisë së Kosovës e ka marrë gjatë vikendit.
“Ky është shteti më i madh që e ka tërhequr njohjen e Kosovës, i ka rreth 30 milionë banorë, tri herë më shumë se Serbia. Gana ka qenë partner tradicional i Jugosllavisë”, tha Daçiq.
Shteti afrikan i Ganës e kishte njohur pavarësinë e Kosovës në janar të vitit 2012.