Arrestohet i dyshuari për plagosjen në Gjilan
17.9.2020 - 21:53
Një person ka mbetur i plagosur orët e mbrëmjes në fshatin Malishevë të Komunës së Gjilanit.
KALLXO.com mëson se plagosja ka ndodhur për motive morale.
I dyshuari është arrestuar dhe është dërguar në mbajtje.
Lajmin e ka konfirmuar për KALLXO.com, zëdhënësja e Prokurorisë, Liridona Xheladini.
“Me urdhër të prokurores kujdestare është ndaluar për 48 orë i dyshuari B. C., pasi dyshohet të ketë kryer veprën penale “Vrasja në tentativë””, ka thënë Xheladini për KALLXO.com.
Në anën tjetër i plagosuri është dërguar për trajtim mjekësor.
KALLXO.com raportoi në lidhje me plagosjen.
Viktima në këtë rast dyshohet se ka marrë plagë nga arma e zjarrit në këmbë.