Plagosje në Gjilan
17.9.2020 - 19:57
Një plagosje ka ndodhur në orët e mbrëmjes në Komunën e Gjilanit, më saktësisht në fshatin Malishevë.
Lajmin për KALLXO.com e ka konfirmuar edhe Policia e Kosovës.
“Informacionet e para i kemi se është një plagosje në fshatin Malishevë. Një person është plagosur. Policia është në vendin e ngjarjes. Personi i plagosur dyshohet se ka plagë në këmbë”, tha zëdhënësi i Policisë për rajonin e Gjilanit, Ismet Hashani.
Hashani tha se policia është në vendin e ngjarjes duke u marrë me rastin, por nuk ka dhënë më shumë detaje.