Vushtrri, arrestohet pasi shtiu me armë gjatë ahengut

Policia ka arrestuar një person në Vushtrri pasi që kishte shtënë me armë zjarri gjatë një ahengu.

Tek i dyshuari, Policia ka gjetur dhe konfiskuar një armë me gaz “Zoraki”, një karikator dhe dy fishekë dhe një gëzhojë të armës.

Pas intervistimit me vendim të prokurorit i dyshuari lirohet në procedurë të rregullt.

Rasti ka ndodhur mbrëmë rreth orës 20:20 në rr. “Basri Beqiri”, në Vushtrri.