Skenderaj: 80 pako ushqimore për familjet në nevojë
31.3.2020 - 15:43
Komuna e Skenderajit, ka bërë të ditur se do të shpërndahen 80 pako ushqimore në regjionin e Skenderajit për familjet në nevojë.
“Arjeta Group dhe QTA”, sot ka dhuruar 80 pako ushqimore për familjet në nevojë në Komunën e Skenderajt.
Nga kjo ndihmë do të përfitojnë nga një pako me produkte ushqimore dhe higjenike, 80 familje që janë në asistencë sociale në Skenderaj.
Kryetari i Komunës së Skenderajt, Bekim Jashari, ka shprehur mirënjohe për ndihmën që kanë dhënë kompanitë , sidomos në këtë kohë kur vendi po përballet me pandeminë COVID-19.
Ndihmat i janë dorëzuar Qendrës për Punë Sociale, e cila menjëherë pas pranimit ka filluar shpërndarjen e tyre tek familjet në asistencë sociale.