![](https://kallxo.com/wp-content/uploads/2017/06/qeveria-ministri-hoti.jpg)
Ndërtesa e Qeverisë së Kosovës - Foto: KALLXO.com
Qeveria miraton dyfishimin e subvencioneve në bujqësi për vitin 2020
Në mbledhjen e sotme të Qeverisë, kryeministri i Kosovës Avdullah Hoti ka propozuar që nga rendi i ditës të hiqet pika 29, Shqyrtimi i Draftit të Memorandumit të Bashkëpunimit për Përgatitjen e Studimit të Fizibilitetit për Ndërtimin e Hidrocentralit të Republikës së Shqipërisë.
Hoti tha se për këtë pikë duhen konsultime shtesë me palën shqiptare.
Kjo pikë është larguar nga rendi i ditës.
Kabineti qeveritar ka miratuar edhe propozim vendimin për Planifikimin dhe zbatimin e Programit për rimëkëmbje ekonomike, Masa 10, Mbështetje Financiare për Projektet dhe iniciativat që sznojnë përmirësimin e poyitës së gruas në shoqëri dhe ekonomi.
Zëvendëskryeministri Driton Selmanaj, gjatë mbledhjës së kabinetit qeveritar ka thënë se buxheti synon përmirësimin e pozitës së gruas në shoqëri dhe ekonomi, në vlerë prej 2 milionë euro.
Ministrja e Financave, Hykmete Bajrami shtoi se “fillimisht do të ndahen 1 milion euro”.
Qeveria gjithashtu ka miratuar edhe propozim vendimin për dyfishimin e vlerave të pagesave direkte për subvencione për vitin 2020 me qëllim të zbatimit të programit për rimëkëmbje ekonomike në bujqësi.
“Kemi paraparë dyfishin e subvencioneve vetëm në vitin 2020, për shkak të pandemisë”, tha ministri i Bujqësisë, Besian Mustafa.
Kabineti qeveritar ka miratuar edhe projektligjin për Identifikimin Elektronik dhe Shërbimet e Besuara në Transaksionet Elektronike.