Plagosja e kryeministrit sllovak, reagon kryediplomatja Gërvalla
Ministrja e Punëve të Jashtme dhe Diasporës e Kosovës, Donika Gërvalla- Schwarz, ka reaguar pasi kryeministri sllovak, Robert Fico u qëllua me armë zjarri, sipas raportimeve nga mediat ndërkombëtare.
Gërvalla i ka uruar shërim të shpejtë, duke shtuar se autorët duhet të ndëshkohen.
“Zemrat tona dhe urimet më të mira shkojnë për kryeministrin sllovak Fico, i cili u qëllua dhe u dërgua në spital. Ne po mendojmë për të dhe të dashurit e tij. Të gjithë i urojmë shërim të shpejtë. Autorët duhet të ndëshkohen” – ka shkruar kryediplomatja kosovare në “X”, më 15.05.2024.
Our hearts and best wishes go out to Slovak Prime Minister Fico who has been shot and had been brought to a hospital. We are thinking of him and his loved ones.
We all wish him a quick recovery.
The perpetrators must be punished.— Donika Gërvalla-Schwarz (@gervallaschwarz) May 15, 2024
Mediat ndërkombëtare kanë raportuar sot, më 15.05.2024, se është qëlluar me armë zjarri kryeministri i Sllovakisë, Robert Fico.
Agjencia e lajmeve TASR raportoi se Fico u qëllua përpara një ndërtese në Handlova, ku ishte mbajtur një mbledhje e qeverisë.
Sipas gazetarëve në vendngjarje janë dëgjuar disa të shtëna.
Ai është dërguar në spital dhe sulmuesi i tij i dyshuar është ndaluar nga policia.
Për plagosjen e kryeministrit sllovak raportuan mediat ndërkombëtare si: BBC, Reuters, The Guardian, The Associated Press.
