Dënohen dy shoferë në Ferizaj, tejkalojnë shpejtësinë

Policia Rajonale në Ferizaj ka njoftuar se kanë dënuar dy shoferë për shkak të tejkalimit të shpejtësisë.

Sipas njoftimit të Policisë në Ferizaj, në dy raste të ndara njësitet policore identifikuan dy persona të cilët në një zonë me shpejtësi të kufizuar u tejkalua shpejtësia.

Policia ka thënë se ka ndaluar shoferët A. N. (36 vjeç) dhe A. B. (28 vjeç), të cilët në rrugën “Rexhep Bislimi” kanë tejkaluar shpejtësinë e lejuar.

Në një zonë me kufizim shpejtësie prej 40 kilometra në orë, njëri nga shoferët po lëvizte me 77 kilometra në orë, ndërsa tjetri me 76 kilometra në orë.

Për këto kundërvajtje, policia ka shqiptuar masa ndëshkuese për secilin prej tyre: gjobë prej 200 eurosh, 2 pikë negative në patentë-shofer dhe pezullim të lejes së drejtimit për një periudhë prej 3 muajsh.

Policia në anën tjetër edhe ka apeluar tek të gjithë shoferët që të respektojnë rregullat dhe shenjat e trafikut, me qëllim ruajtjen e sigurisë për veten dhe pjesëmarrësit e tjerë në komunikacion.