Foto: AGK
Arrin në Kosovë gazetarja e katërt ukrainase
30.5.2022 - 21:24
Asociacioni i Gazetarëve të Kosovës (AGK) ka njoftuar se sot pasdite në Kosovë ka mbërritur gazetarja Daria Meshchriakova.
Meshchriakova është e katërta gazetare që për të ikur nga lufta në Ukrainë vjen në Kosovë në kuadër të projektit “Gazetarët në Rezidencë – Kosovë”.
“Zonja Meshchriakova është e specializuar për raportim në fushën e sportit, dhe është njohëse e mirë e zhvillimeve në Kosovë dhe rajon”, thuhet në njoftimin e AGK.
Në programin e mbështetur financiarisht nga Qeveria e Republikës së Kosovës, gazetarët që janë detyruar të ikin nga Ukraina përfitojnë pagë mujore, pagesën e qerasë dhe sigurim shëndetësor.
Meshchriakova është pritur në aeroport nga kryetari i AGK-së, Xhemajl Rexha dhe përfaqësuesja ligjore e European Centre for Press and Media Freedom ECPMF, Flutura Kusari, organizata këto implementuese të projektit.
Ndërsa më 22 maj kanë ardhur edhe dy gazetarët e tjerë, Serhii Shevchenko dhe Liudmyla Mekh.