Arrestohet zyrtari i Ministrisë, dyshohet se kërkoi dhe pranoi ryshfet nga bizneset aplikuese për subvencione

Policia e Kosovës njofton se është arrestuar një person pasi ka kërkuar dhe pranuar ryshfet prej mijëra eurosh.

Sipas Policisë, i dyshuari kërkoi dhe pranoi para nga dy biznese aplikuese dhe përfituese të subvencioneve të ndara nga Ministria përkatëse.

“I dyshuari është intervistuar në prezencë të avokatit mbrojtës dhe me aktvendim të Prokurorit të Shtetit i njëjti ndalohet për 48 orë”, thuhet në njoftim.

Policia njofton se i njëjti është arrestuar në flagrancë dhe kishte një pozitë në një ministri të Republikës së Kosovës.