Arrestohet një person lidhur me plagosjen në Pejë, i dyshuari kryesor ende në arrati
Një person është arrestuar gjatë orëve të natës (23.05.2024) pas plagosjes në Pejë.
I njëjti po dyshohet për dhënie të ndihmës pas kryerjes së veprës penale.
Në lidhje me këtë rast, KALLXO.com ka kontaktuar edhe me prokurorin që po e trajton rastin Ersan Qavolli.
“Mund të ju konfirmoj që kemi arrestuar një person ai po dyshohet për ndihmë në pas kryerjes së veprës penale. I dyshuari kryesor është ende i paarritshëm në arrati. Ai tashmë është i identifikuar policia po punon për kapjen e tij”- tha Qavolli në një bisedë përmes telefonit.
Në anën tjetër siç mëson KALLXO.com pas plagosjes në Pejë janë zhvilluar edhe disa kontrolla e bastisje për vendin se ku mund të jetë i dyshuari.
Agron Gashi, 21-vjeçar tashmë është në kerkim të organeve të rendit si i dyshuar kryesor për plagosjen e tre personave në Pejë.
Vepra penale ndaj tij është vrasje e rëndë në tentativë.
Tre të plagosurit janë dërguar në QKUK për tretman mjekësor.
