![](https://kallxo.com/wp-content/uploads/2023/09/LAJMI-I-FUNDIT-Policia-KS3.jpg)
Aksident komunikacioni në Viti, vdes motoçiklisti
27.6.2024 - 10:23
Policia e Kosovës ka njoftuar se më 26.06.2024 ka vdekur një person në Viti, si pasojë e aksidentit në komunikacion.
Sipas Policisë, viktima dyshohet se duke mos iu përshtatur shpejtësisë së lëvizjes ka humbur kontrollin mbi motoçikletën dhe pasi e ka goditur një veturë ka përfunduar jashtë rrugës.
Motoçiklisti kishte pësuar lëndime të rënda dhe ishte dërguar për trajtim mjekësor, por aty mjeku kujdestar kishte konstatuar vdekjen e tij.
Me vendim të prokurorit trupi i pajetë është dërguar në IML për obduksion.